Roma Papası Fransisk Yaxın Şərqdə zorakılığın yeni mərhələsini pisləyib.

"Operativ Media" xəbər verir ki, bu barədə Papa Müqəddəs Pyotr meydanında ənənəvi bazar günü xütbəsinin sonunda deyib.

"Yeni zorakılığın yüzlərlə qurban və yaralanmalara səbəb olduğu İsraildəki hadisələri böyük narahatlıq və ağrı ilə izləyirəm", - o qeyd edib.

Papa tərəfləri atəşkəsə çağırıb: "Terrorizm və müharibə heç vaxt itki və iztirabdan başqa bir şey gətirmir, bu məğlubiyyətdir". 

O, İsrail və Fələstin arasında sülh üçün dua etməyə çağırıb.