Misir Prezidenti Əbdülfəttah əs-Sisi İordaniya Kralı II Abdullah ilə telefon danışığı aparıb. 

"Operativ Media" xəbər verir ki, Misir liderinin ofisinin məlumatına görə, tərəflər Fələstin-İsrail münaqişəsinin gərginliyini azaltmaq üçün Misir və İordaniya arasında koordinasiyanı gücləndirmək barədə razılığa gəliblər.

"Son hadisələr nəzərdən keçirildi və gərginliyin qarşısını almaq üçün birgə regional və beynəlxalq səylərin prioriteti vurğulandı. Sabitliyə nail olmaq üçün səyləri gücləndirmək və Fələstin məsələsinin ədalətli həllinə doğru irəliləmək üçün Misir və İordaniya arasında məsləhətləşmələrin və koordinasiyanın davam etdirilməsi və intensivləşdirilməsi qərara alınıb", - deyə Misir liderinin ofisi vurğulayıb.