Fransa XİN: İsraildə 14 fransız itkin düşüb

"HƏMAS-ın İsrail ərazisinə hücumundan sonra ən azı 14 Fransa vətəndaşı itkin düşüb, o cümlədən bir uşaq qaçırılmış ola bilər".

"Operativ Media" xəbər verir ki, bu barədə Fransa Xarici İşlər Nazirliyi məlumat yayıb.

"Hazırda iki həmyerlimizin öldüyünü təəssüflə qeyd edirik və daha on dörd nəfər haqqında məlumatımız yoxdur, onların vəziyyəti ciddi narahatlıq doğurur. Bu rəqəm hələ də dəyişə bilər", - XİN-in bəyanatında deyilir. 

Məlumata görə, onlarla fransalı Təl-Əviv və Qüdsdəki konsulluqlardan öz qohumlarının və dostlarının tapılmasında kömək istəyiblər.