Ərdoğanla Putin arasında telefon danışığı olub

Türkiyə Prezidenti Rəcəb Tayyib Ərdoğan və Rusiya Prezidenti Vladimir Putin arasında telefon danışığı olub.

"Operativ Media" xəbər verir ki, bu barədə Türkiyə Prezident Administrasiyası məlumat yayıb. 

"Telefon danışığı zamanı Fələstin-İsrail münaqişəsi, həmçinin gərginliyin artmasının qarşısını almaq üçün tədbirlər müzakirə edilib. 

Ərdoğan və Putin Fələstin-İsrail münaqişəsi zonasında humanitar ehtiyacların ödənilməsinə dair təşəbbüsləri qiymətləndirib", - Türkiyə Prezident Aparatı bildirib.