19 Noyabr 2022, 19:19
Vsevolojsk rayonunda qazdoldurma məntəqəsində baş verən yanğın söndürülüb-YENİLƏNİB
Vsevolojsk rayonunda qazdoldurma məntəqəsində baş verən yanğın söndürülüb-YENİLƏNİB şəkil
Vsevolojsk rayonunda qazdoldurma məntəqəsində baş verən yanğın söndürülüb-YENİLƏNİB

Leninqrad vilayətində qaz kəmərində baş verən açıq yanğın söndürülüb.

"Operativ Media" xəbər verir ki, bu barədə Rusiya Fövqəladə Hallar Nazirliyi məlumat yayıb.

Leninqrad vilayətinin Vsevolojsk rayonunda qazdoldurma məntəqəsində güclü yanğın baş verib.

"Operativ Media"-nın TASS-a istinadən verdiyi məlumata görə, yanğın Bernqardovka və Kovalevo arasında qaz kəmərində baş verən partlayış nəticəsində baş verib. Əhali üçün və yanğının yaşayış məntəqələrinə keçməsi təhlükəsinin olmadığı bildirilib.

Vilayət administrasiyasının mətbuat xidmətindən onu da əlavə ediblər ki, qəza yerində magistral qaz kəmərinin avtomatlaşdırılması normal işləyir.

Qaz xidmətlərindən verilən məlumata görə, magistral yeraltı qaz kəmərində avtomatlaşdırma normal işləyib - qazın təzyiqi aşağı salınıb. Leninqrad vilayəti hökümətinin mətbuat xidmətindən bildirilib ki, Vsevolojsk yaxınlığındakı qazpaylayıcı stansiyada qaz kəmərində baş verən yanğınla əlaqədar özəl sektora qazın verilməsi dayandırılıb.

Hadisənin səbəbləri araşdırılır.

Hadisə şahidlərinin sözlərinə görə, yanğın başlamazdan əvvəl güclü partlayış səsi eşidilib. Qeyd olunur ki, Sankt-Peterburqun şimal rayonlarında tüstü sütunu görünür.

Rusiya Fövqəladə Hallar Nazirliyinin mətbuat xidmətindən TASS-a verilən məlumata görə, Ryabovskoye şossesinin 153-cü km-də yanğınla bağlı xəbər Moskva vaxtı ilə saat 15:25-də daxil olub. "İlk yanğınsöndürənlərin çağırıldığı yerə gəldikdən sonra məlum olub ki, qaz kəmərində təzyiqin azalması, ardınca isə yanğın olub. İlkin məlumata görə, tələfat yoxdur", - deyə mətbuat xidmətindən bildiriblər.

Rusiya İstintaq Komitəsinin mətbuat xidməti bildirib ki, İstintaq Komitəsinin Leninqrad vilayəti üzrə İstintaq İdarəsinin müstəntiqləri və kriminal ekspertləri hadisə yerinə yola düşüb.

Son xəbərlər
Tramp sərəncamların sayına görə rekord qırıb
Səudiyyə Ərəbistanı müsəlman ölkələrinə təşəkkür edib
Samuxda süni sututarında batan şəxsin meyiti tapılıb - YENİLƏNİB
Türkiyə Ordusu dörd terrorçunu zərərsizləşdirib
Azərbaycan PL: "Şamaxı" Sumqayıt"ı əliboş yola saldı
Conson: Putini şoka salmaq vaxtıdır, yoxsa qalib gələcək
Bakıda qadın dəm qazından zəhərlənərək ölüb
Avtomobilin yolda qalması nəqliyyat sıxlığına səbəb olub - YENİLƏNİB