Fələstin-İsrail münaqişəsində 22 amerikalı həlak olub 

"ABŞ hakimiyyəti hesab edir ki, Fələstin-İsrail münaqişəsinin gərginləşməsi nəticəsində 22 ABŞ vətəndaşı həlak olub". 

"Operativ Media" xəbər verir ki, bu barədə TASS-a Dövlət Departamentinin nümayəndəsi bildirib.

"Hazırda ən azı 22 Amerika vətəndaşının ölümünü təsdiqləyə bilərik", - rəsmi şəxs qeyd edib.

Ağ Evin mətbuat katibi Karine Jan-Pyer də jurnalistlər üçün keçirdiyi növbəti brifinqdə bu məlumatı təsdiqləyib. O, həmçinin 17 amerikalının itkin düşmüş hesab edildiyinə də aydınlıq gətirib. Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi keçirdiyi brifinqdə ABŞ vətəndaşlarından ölənlərin sayının arta biləcəyini etiraf edib.