Ostin: ABŞ İsraillə bərabər Ukraynaya da dəstəyi davam etdirəcək

Birləşmiş Ştatlar Yaxın Şərqdə gərginliyin kəskin artması səbəbindən aktiv şəkildə İsrailə təcili yardım çatdırır, lakin Ukraynaya dəstəyini də davam etdirəcək. 

"Operativ Media" xəbər verir ki, bu bəyanatla Brüsseldə NATO-ya üzv ölkələrin hərbi idarələrinin rəhbərləri, ABŞ-nin müdafiə naziri Lloyd Ostinin növbəti görüşünün yekunları üzrə keçirilən mətbuat konfransında bildirilib.

"Biz gecikmədən İsrailə özünü müdafiə etmək üçün lazım olanı, o cümlədən döyüş sursatı və "Dəmir günbəz" havadan müdafiə sistemlərini çatdırmaq üçün çalışırıq. Biz bunu Ukrayna xalqını dəstəkləməyə davam etməklə edəcəyik", - deyə o bildirib. 

Bundan əlavə, Ostin təsdiqləyib ki, ABŞ hazırkı vəziyyətdə İsraili Amerika kəşfiyyatının məlumatları ilə təmin edir: "Biz onlara hər cür dəstək verəcəyik. Təbii ki, kəşfiyyat bunun bir hissəsidir".