İsrailin şimalında hava hücumu sirenləri səslənib

Bu axşam İsrailin şimalında Livanla sərhəd yaxınlığında əhaliyə mümkün hava hücumu barədə xəbərdarlıq siqnalları səslənib. 

"Operativ Media" xəbər verir ki, bu barədə ordunun mətbuat xidməti məlumat yayıb.

"Kiryat Şmona şəhərində və ərazidəki yaşayış məntəqələrində sirenlər səslənib", - məlumatda deyilir. 

Qeyd edək ki, Kiryat Şmona Livan sərhədi yaxınlığında yerləşir.

İsrail ordusu daha sonra bildirib ki, ölkənin şimalındakı Kiryat Şmona şəhərində sirenlər yanlış həyəcan siqnalı səbəbindən işə düşüb.