AK Fələstin-İsrail münaqişəsi ilə bağlı Rusiya və İranı izləməyə çağırıb

"İsrail və HƏMAS arasında münaqişənin uzanmasından faydalanan Rusiya və İranı yaxından izləmək lazımdır".

"Operativ Media" xəbər verir ki, bu barədə Avropa Komissiyasının (AK) rəhbəri Ursula fon der Leyen İsrailə səfəri zamanı bildirib.

"Biz HƏMAS-ın hərəkətlərinin İsrailin ərəb qonşuları ilə tarixi yaxınlaşmasına təsir edə biləcəyini bilirik. İran və Rusiya kimi Yaxın Şərqdə münaqişənin uzanmasından qazanc əldə edənləri çox diqqətlə izləməliyik. Beləliklə, indi bunun vaxtıdır. Sabitlik və terrorizmlə mübarizə üçün İsrail və region ölkələri ilə daha da sıx əməkdaşlıq etməliyik", - Leyen qeyd edib.

Von der Leyen əlavə edib ki, bununla bağlı İordaniya və Misir hakimiyyətləri ilə əlaqə saxlayır: "Avropa sülhsevər və inteqrasiya olunmuş Yaxın Şərq üçün işləməyə davam edəcək".