HƏMAS yaraqlılarının İsrailə hücumu zamanı həlak olan Fransa vətəndaşlarının sayı 15-ə çatıb. 

"Operativ Media" xəbər verir ki, bu barədə ölkənin xarici işlər naziri Ketrin Kolonna "France 5" telekanalının efirində bildirib.

"Sizə bildirməliyəm ki, 15 həmvətənimiz İsraildə həyatını itirib. Onlar terrorçular tərəfindən öldürülüb", - Kolonna deyib. 

Onun sözlərinə görə, bir neçə Fransa vətəndaşı itkin düşənlər siyahısındadır: "Bəziləri girov saxlanıla bilər".

Qeyd edək ki, Fransa İsraili tərk etmək istəyən vətəndaşlarını təxliyə etməyə başlayıb. Onları daşıyan ilk təyyarə cümə axşamı Parisə eniş edib.