Hakan Fidan almaniyalı həmkarı ilə Qarabağ məsələsini müzakirə edib

Türkiyənin Xarici işlər naziri Hakan Fidan, Misirin paytaxtı Qahirədə Almaniyanın xarici işlər naziri Annalena Baerbok ilə görüşüb.

"Operativ Media" nın məlumatına görə, görüşdə İsrailin Qəzzaya hücumları, Qəzzaya humanitar yardımlar və Qəzzadan təxliyələr müzakirə edilib. Görüşdə Ukrayna və Qarabağdakı vəziyyət də müzakirə olunub.

Bu çərçivədə Türkiyə və Misir Xarici İşlər nazirlikləri səfirlərin qarşılıqlı təyinatından sonra ilk dəfə bir araya gələcək. İki nazir arasında keçiriləcək görüşdə ən mühüm gündəmin İsrail-Fələstin münaqişəsi və Qəzzadakı humanitar böhran olacağı gözlənilir.

Türkiyə girovların azad edilməsi və Qəzzaya humanitar yardımın çatdırılması üçün səylərini davam etdirərkən, görüşlərdə Rəfah Sərhəd Qapısının vəziyyəti və bölgədəki humanitar böhran da qiymətləndiriləcək.

Görüşlərdə Türkiyə prezidenti Rəcəb Tayyib Ərdoğan və Misir prezidenti Əbdülfəttah Es-Sisi arasında görüş cədvəli ilə bağlı yol xəritəsinin hazırlanacağı gözlənilir.

Bundan əlavə, Hakan Fidanın Qahirəyə rəsmi səfəri çərçivəsində Misir prezidenti Əbdülfəttah Es-Sisi ilə görüşü gözlənilir.