İsrail XİN: İran ikinci cəbhə açmağa çalışır

İsrail Xarici İşlər Nazirliyinin strateji məsələlər üzrə baş direktorunun müavini Coşua Zarqa İranı İsrail ordusunun Qəzza zolağında HƏMAS-a qarşı əməliyyat keçirərkən Suriya ərazisindən strateji silahlar daşıyaraq yəhudi dövlətinin şimalında ikinci cəbhə açmağa çalışmaqda ittiham edib.

"Operativ Media" xəbər verir ki, diplomat İranın Suriyaya strateji silahlar ötürməyə çalışdığını bildirib.

"İran rejimi Suriyaya strateji silahlar ötürməyə çalışır. İsrailin şimalında bir cəbhə açmaq istəyirlər və biz bunun qarşısını almaqda qərarlıyıq", - o bildirib.