General: İsrail təhlükəsizlik üçün Yaxın Şərqin istənilən yerində əməliyyat keçirməyi planlaşdırır

İsrail ordusu Qəzza zolağı ətrafında davam edən gərginlik və Livan sərhədində artan toqquşmalar fonunda dövlətin təhlükəsizliyini təmin etmək üçün Yaxın Şərqin istənilən yerində fəaliyyət göstərəcək. 

"Operativ Media" xəbər verir ki, bunu İsrail Müdafiə Qüvvələrinin (IDF) rəsmi nümayəndəsi, briqada generalı Daniel Həqari deyib.

"Biz həmişə ətrafımıza, bütün Yaxın Şərqə baxırıq. İsrail ordusu İsrailin təhlükəsizlik məqsədlərinə çatmaq üçün Yaxın Şərqin istənilən yerində fəaliyyət göstərəcək. Biz bütün sahələrdə yaxşı hazırlaşmışıq", - "The Times of Israel" qəzeti onun sözlərindən sitat gətirib.