Netanyahu BƏƏ prezidenti ilə Qəzza ətrafındakı vəziyyəti müzakirə edib

İsrailin Baş naziri Benyamin Netanyahu oktyabrın 15-i axşam saatlarında BƏƏ prezidenti Şeyx Məhəmməd bin Zayed Əl Nəhyan ilə telefon danışığı aparıb. 

"Operativ Media" xəbər verir ki, bu, oktyabrın 7-də Qəzza zolağında vəziyyətin pisləşməsindən sonra Netanyahunun ərəb ölkəsinin lideri ilə ilk təmasıdır.

"Dünən axşam saatlarında Baş nazir Benyamin Netanyahu Birləşmiş Ərəb Əmirliklərinin prezidenti Şeyx Məhəmməd bin Zayedlə danışıb. Liderlər HƏMAS-ın İsrail vətəndaşlarına qanlı hücumu nəticəsində başlayan regional hadisələri müzakirə ediblər", - məlumatda deyilir.