Qəzza zolağında BMT-nin Yaxın Şərq agentliyinin ən azı 14 əməkdaşı ölüb

Qəzza zolağında münaqişə qızışmağa başlayandan bəri Birləşmiş Millətlər Təşkilatının Fələstinli Qaçqınlara Yardım Agentliyinin (UNRWA) ən azı 14 əməkdaşı həlak olub. 

"Operativ Media" xəbər verir ki, bu barədə agentliyin anklavda vəziyyətin inkişafı ilə bağlı gündəlik hesabatında deyilir.

Bundan əlavə, agentliyə hava hücumları nəticəsində obyektlərinə dəyən ziyanla bağlı 23 təsdiqlənmiş məlumat daxil olduğu bildirilib. Hesabatda qeyd edilir ki, həm həlak olan UNRWA personalının, həm də zədələnmiş obyektlərin faktiki sayı daha çox ola bilər.