Ermənistan Müdafiə Nazirliyinin sabiq şöbə rəisi həbs edilib

Ermənistan Müdafiə Nazirliyi İnformasiya İdarəsinin keçmiş rəisi Gevorq Altunyan həbs edilib.

"Operativ Media" xəbər verir ki, bu barədə “Hraparak” qəzeti məlumat yayıb.

Bildirilib ki, məhkəmə onun əvvəlcə ev dustaqlığına dair qərar qəbul etmişdi. Prokurorluq bu qərara etiraz edib. Apellyasiyadan sonra məhkəmənin qərarı dəyişib.

Məlumata görə, Altunyanla yanaşı, daha 4 nəfər, o cümlədən “Dasaran.am” saytının sahibi Suren Aloyan Müdafiə Nazirliyinin satınalmaları nəticəsində sənədlərə saxta məlumatlar daxil etməklə dövlətdən 106 milyon 300 min dram (270 min dollara yaxın) oğurlamaqda ittiham olunurlar. Müttəhimlər onlara qarşı irəli sürülən ittihamları qəbul etmirlər.

Gevorq Altunyan 2016-cı ildə Müdafiə Nazirliyinin İnformasiya İdarəsinə rəis təyin olunub.