Kadırov müsəlmanları Fələstinə dəstək üçün namaza qoşulmağa çağırıb

Çeçenistan rəhbəri Ramzan Kadırov müsəlmanları Fələstinə dəstək üçün kollektiv namaza qoşulmağa çağırıb.

"Operativ Media" xəbər verir ki, o, bu barədə "Telegram"da paylaşım edib.

"Bütün müsəlmanları bizə qoşulmağa və təhəccüd namazı qılmaq üçün yekdilliklə yaşadıqları bölgələrin məscidlərini ziyarət etməyə, salavat çəkməyə çağırıram. Unutmayın ki, dua möminin ən güclü silahıdır. Ona görə də Allahdan səmimi qəlbdən Fələstin xalqının qorumasını diləyək", - Kadırov qeyd edib.

Kadırovun sözlərinə görə, çərşənbə axşamı səhər Çeçenistan Respublikasının bütün məscidlərində minlərlə müsəlman Fələstin xalqına dəstək olaraq kollektiv namaz qılıb.