Türkiyə Böyük Millət Məclisində İraq və Suriya ilə bağlı qanun layihəsi qəbul edilib

Türkiyə Böyük Millət Məclisinin (TBMM) Baş Assambleyasında İraq və Suriyaya qoşun yeritmək icazəsinin müddətinin daha 2 il uzadılmasına dair prezidentin mandatı qəbul edilib.

"Operativ Media" xəbər verir ki, Prezident Rəcəb Tayyib Ərdoğanın imzası ilə göndərilən qanun layihəsində Türkiyənin cənub quru sərhədlərinə bitişik bölgələrdə baş verən hadisələrin və davam edən münaqişə mühitinin milli təhlükəsizliyə yaratdığı risk və təhdidlərin artmaqda davam etdiyi vurğulanıb.

Memorandumda Türkiyənin qonşusu İraqın ərazi bütövlüyü, milli birliyi və sabitliyinin qorunmasına böyük əhəmiyyət verdiyinə diqqət çəkilib.

"Digər tərəfdən, İraqda PKK və İŞİD ünsürlərinin mövcudluğunun davam etməsi və bu ölkəyə qarşı addımlar, etnik əsaslı separatizm regional sülhə, sabitliyə və ölkəmizin təhlükəsizliyinə birbaşa təsir göstərir", - bəyanatda əlavə olunub.