Türkiyənin Qaziantep şəhərinə raket atılıb, 3 nəfər ölüb-YENİLƏNİB
YPG/PKK terror təşkilatının üzvləri tərəfindən Suriyadan Türkiyənin Qaziantep əyalətinə atılan raket zərbələri zamanı ölənlərin sayı 3-ə çatıb.
"Operativ Media" xəbər verir ki, daxili işlər naziri Süleyman Soylu jurnalistlərə açıqlamasında raketlərdən 4-nün rayon mərkəzindəki orta məktəb və iki evə düşdüyünü deyib.
O, həyatını itirənlər arasında uşaq və müəllimin olduğunu da açıqlayıb.
***
13:17
PKK/YPG terror qruplaşması Suriyanın şimalından Türkiyənin Qaziantep şəhərinin Karkamış vilayətinə 4 raket atıb.
"Operativ Media" Türkiyə mətbuatına istinadən xəbər verir ki, hadisə nəticəsində 2 nəfər ölüb, 6 nəfər yaralanıb.
Əraziyə təcili tibbi yardım maşınları və xilasedicilər cəlb olunub.
Qeyd edək ki, Türkiyə Silahlı Qüvvələri noyabrın 20-də Suriya və İraqın şimalında yeni anti-terror əməliyyatına başlayıb.
