Komitə sədri: "İnsanlar övladlarının yoluxucu xəstəlikdən ölməsini istəmirlərsə, peyvəndlənməlidirlər"

"Ölkəmizdə vaksinasiyaya münasibətdə ciddi dəyişiklik olmalıdır".

"Operativ Media" xəbər verir ki, bunu Milli Məclisin Səhiyyə komitəsinin bu gün keçirilən iclasında komitə sədri Əhliman Əmiraslanov deyib.

Komitə sədri bildirib ki, peyvəndlənmə ilə bağlı müzakirələrə diqqət artırılmalıdır:

“İnsanlar arasında mənfi fikirlər yayılır, hətta həkimlər arasında belə fikirdə olan insanlar var. Komitədə keçirilməsi nəzərdə tutulan dinləmədə əsas müzakirə mövzusu peyvəndlənmə olmalıdır. İnsanları inandırmalıyıq ki, övladlarının yoluxucu xəstəlikdən dünyasını dəyişməsini istəmirlərsə, bunun yolu peyvəndlənmədir. Uşaqlarımız vaksindən kənarda qalır. Bu günlərdə qızılcaya yoluxan insanların tam əksəriyyəti yox, 100 % hamısı peyvənd olunmayan insanlardır”.