"Apple" 2 milyard avroya yaxın məbləğdə cərimələnib

Avropa Komissiyası "Apple"ı 1,84 milyard avro məbləğində cərimələyib. Bu, şirkətin tarixində ən böyük cərimə olub.

"Operativ Media" xəbər verir ki, bu barədə "Reuters" məlumat yayıb.

Avropa Komissiyasının qərarı İsveçin musiqi xidməti "Spotify" tərəfindən 2019-cu ildə aldığı 30 faizlik komissiya və tətbiqdə "Apple Pay"i söndürə bilməməsi ilə bağlı şikayətinə cavab olaraq qəbul edilib. Avropa İttifaqının rəqabət orqanı "Apple"ın məhdudiyyətlərinin ədalətsiz rəqabət şəraiti yaratdığını bildirib.

On il ərzində "Apple" "App Store" vasitəsilə musiqi proqramlarını yaymaq üçün bazardakı dominant mövqeyindən sui-istifadə edib. Şirkət tərtibatçılara "Apple" ekosistemindən kənar alternativ, daha ucuz abunə seçimləri haqqında istehlakçıları məlumatlandırmağı qadağan edib.

Aİ-nin rəqabət üzrə rəhbəri Margrethe Vestager açıqlamasında deyib ki, bu, Aİ rəqabət qaydalarına görə qanunsuzdur.

“Apple” Aİ-nin qərarını tənqid edərək, buna məhkəmədə etiraz edəcəyini bildirib.

"Qərar Komissiyanın istehlakçılara zərər vurduğuna dair heç bir etibarlı sübut tapmamasına və rəqabətli, sürətlə böyüyən bazarın reallıqlarına məhəl qoymamasına baxmayaraq qəbul edilib", - şirkətin açıqlamasında deyilib.