NATO Baş katibi Ukraynaya göstərdiyi humanitar yardıma görə Azərbaycana təşəkkür edib

"Rusiya Ukraynaya qarşı təcavüzkar müharibəsini davam etdirir".

"Operativ Media" xəbər verir ki, bunu NATO Baş katibi Yens Stoltenberq Bakıda Azərbaycan Prezidenti İlham Əliyevlə mətbuat qarşısında bəyanatla çıxış edərkən deyib.

"NATO müttəfiqləri davam edən bu müharibədən narahatlıq duyur və Ukraynaya yardımı davam etdirir.

Mən Azərbaycanın Ukraynaya çox ehtiyac duyulan humanitar yardımına görə təşəkkür edirəm. Belə yardımlar çox vacibdir və davam etməlidir", - Stoltenberq bildirib.