Sahibkar icarəsində olan qeyri-yaşayış sahəsini necə özəlləşdirə bilər?

Sahibkar icarəsində olan qeyri-yaşayış sahəsini necə özəlləşdirə bilər?

"Operativ Media" xəbər verir ki, mövzuya İqtisadiyyat Nazirliyi yanında Əmlak Məsələləri Dövlət Xidmətinin aparıcı məsləhətcisi Tural Qurbanov aydınlıq gətirib.

O, bildirib ki, ilk növbədə icarəçi icarəyə götürdüyü qeyri-yaşayış sahəsinin özəlləşdirilməsi ilə bağlı Əmlak Məsələləri Dövlət Xidmətinə ərizə ilə müraciət etməlidir:

"Daha sonra Xidmət tərəfindən qeyri-yaşayış sahəsini özəlləşdirmək üçün icarəçiyə təklif olunması barədə qərar qəbul edilir və bu barədə icarəçiyə bildiriş göndərilir. İcarəçi bildirişdə qeyd olunan şərtlər ilə razı olduğu təqdirdə onunla müvafiq alqı-satqı müqaviləsi bağlanır.

Həmin alqı satqı müqaviləsi Daşınmaz Əmlakın Dövlət Kadastırı və Reyestri Publik Hüquqi Şəxsinin aidiyyatı ərazi idarəsinə təqdim olunur. Ərazi idarəsi tərəfindən isə mülkiyyətçiyə müvafiq reyestrdən çıxarış və texniki pasportun verilməsi təmin edilir".