“İstənilən rəngdə olan avtomobillə taksi fəaliyyəti göstərmək olar” - Ekspert

“Tələblərə cavab verən istənilən rəngdə olan avtomobil taksi fəaliyyəti ilə məşğul ola bilər. Yeni qərar hazırda fəaliyyət göstərən və yeni qaydalara uyğun avtomobil sahiblərinin fəaliyyətinə təsir etməyəcək”.

Bunu “Operativ Media”ya açıqlamasında nəqliyyat məsələləri üzrə ekspert Ərşad Hüseynov deyib.

Onun sözlərinə görə, taksi fəaliyyəti ilə məşğul olan şəxslərin bəziləri düşünür ki, ya maşını dəyişib ağ, qırmızı və elektrikdirsə yaşıl almalı, ya da ümumiyyətlə yenidən rənglətməlidir. Əslində isə belə deyil.

“Avtomobilin rəngindən asılı olmayaraq tələblərə cavab verənlər yenə də işləyəcək. Rəng tələbləri yalnız 1 iyul tarixindən sonra idxal ediləcək avtomobillərə şamil olunacaq. Hazırda maşın nə rəng olur olsun taksi fəaliyyəti göstərə bilər. Amma avtomobil ölkəyə iyulun 1-dən sonra gəlsə, artıq ona lisenziya verilməyəcək”.