Paşinyan: İrəvan və Bakı sərhədlərin delimitasiyası ilə bağlı praktiki prosesə başlayıb

Yerevan və Bakı sərhədlərin delimitasiyası ilə bağlı praktiki prosesə başlayıb və bu, çox vacibdir. 

"Operativ Media" xəbər verir ki, bu barədə Ermənistanın baş naziri Nikol Paşinyan bildirib. 

"Biz Ermənistanla Azərbaycan arasında sərhədin delimitasiyası üzrə praktiki prosesə başlamışıq ki, bu da təhlükəsizlik risklərinin azaldılması da daxil olmaqla, inanılmaz dərəcədə vacibdir", - Paşinyan bildirib.

Onun sözlərinə görə, Ermənistanla Azərbaycan arasında SSRİ-nin dağılması zamanı mövcud olan sərhədləri yerdə bərpa etmək lazımdır. 

"Ermənistanla Azərbaycan arasında yeni sərhədlər çəkməyə ehtiyac yoxdur, biz SSRİ-nin dağılması zamanı mövcud olan sərhədləri yerlərdə bərpa etməliyik", - Paşinyan bildirib.