Çində sel və torpaq sürüşmələri nəticəsində ölən və yaralananlar var

Ötən həftədən bəri Çinin cənub bölgələrində, xüsusən də Çinin Quandun əyalətində təsirli olan güclü yağışların sayı daha da pisləşib. Leysan yağışların səbəb olduğu sel və torpaq sürüşmələri nəticəsində ən azı 4 nəfər həyatını itirib.

"Operativ Media" yerli mətbuata istinadən xəbər verir ki, 3-ü Zhaoqin şəhərində və 1-i Şaoguan şəhərində olmaqla ən azı 4 nəfərin daşqın və torpaq sürüşmələri nəticəsində həyatını itirib, Şaoguan və Qingyuan şəhərlərində itkin düşmüş kimi qeydə alınan 10 nəfərin axtarışları isə davam edir.

Şaoguan, Quançjou, Heyuan, Zhaoqing, Qingyuan, Meizhou və Huizhou şəhərlərində yaşayan təxminən 110 min insan sürüşmə və daşqın riski səbəbilə evlərindən təxliyə edilərkən, onlardan 25 min 800-ü sığınacaqlarda qalır.

Çinin cənub bölgələri ötən cümə axşamından etibarən mövsümi normadan artıq yağan güclü yağışların təsiri altında olub, daşqınlar və torpaq sürüşmələri bir çox binaları və kənd təsərrüfatı sahələrini yararsız hala salıb.

Ən azı 6 nəfərin yaralandığı açıqlansa da, zərərçəkmiş ərazilərdə 140,6 milyon yuan (19,4 milyon ABŞ dolları) maddi ziyanın dəydiyi ictimaiyyətə bildirilib.