Ukrayna prezidenti Volodimir Zelenskinin aparat rəhbərinin müşaviri Mixail Podolyak hesab edir ki, artıq üçüncü dünya müharibəsi gedir.

"Operativ Media" xəbər verir ki, o bu barədə "Opinion internationale" portalına müsahibəsində bildirib.

"Üçüncü Dünya Müharibəsi artıq gedir. Bəli, bu, hamının düşündüyü kimi görünməsə də, əvvəlki dünya müharibələri başlayanda da kimsə onların başladığına inanmırdı", - Podolyak qeyd edib. 

Podolyak hesab edir ki, Rusiya Federasiyası və Avropa artıq bir-biri ilə müharibə vəziyyətindədir.