Qəzzada 201 gün ərzində 34 min 262 nəfər ölüb

İsrail ordusunun 201 gündür hücumlarını davam etdirdiyi Qəzzada ölənlərin sayı son 24 saatda 79 nəfər, yaralıların sayı isə 86 nəfər artıb.

"Operativ Media" xəbər verir ki, bu barədə Fələstin Səhiyyə Nazirliyindən verilən açıqlamada bildirilib.

Qeyd edilib ki, 2023-cü il oktyabrın 7-dən etibarən Qəzza zolağına təşkil edilən hücumlarda ölənlərin sayı 34 min 262-yə, yaralıların sayı isə 77 min 229-a yçatıb.