İran və Rusiyanın təhlükəsizlik qüvvələrinin rəhbərləri danışıqlar aparıblar

İranın Ali Milli Təhlükəsizlik Şurasının (MTŞ) katibi Əli Əkbər Əhmədian Rusiyanın Sankt-Peterburq şəhərində təhlükəsizlik məsələlərinə cavabdeh olan yüksək səviyyəli nümayəndələrin iştirak etdiyi beynəlxalq toplantı çərçivəsində Rusiya Təhlükəsizlik Şurasının katibi Nikolay Patruşev ilə görüş keçirib.

"Operativ Media" xəbər verir ki, Rusiya Təhlükəsizlik Şurasının verdiyi bəyanatda Patruşev və Əhmədianın Rusiya və İran Təhlükəsizlik Şurası arasında anlaşma memorandumu imzaladığı və həmçinin Rusiya ilə İran arasında təhlükəsizlik sahəsində praktiki əməkdaşlığın qurulmasını müzakirə etdiyi bildirilib.

Rusiyada keçirilən təhlükəsizlik toplantısında iştirak edən Əhmədian Qərbin birtərəfliliyinin informasiya təhlükəsizliyinə təsirini yumşaltmaq üçün bir sıra təkliflər təqdim edib.