Ermənistanda sərhədin delimitasiyasına etiraz edənlər saxlanılıb - YENİLƏNİB

İrəvan və Ermənistanın rayonlarında polis Azərbaycanla sərhədin delimitasiyası prosesinə qarşı çıxan etiraz aksiyalarının iştirakçılarını saxlamağa başlayıb.

"Operativ Media" xəbər verir ki, bu barədə Ermənistan KİV məlumat yayıb.

Məlumata görə, polis İrana gedən magistralın bir hissəsini bağlayan etirazçıları saxlayıb. Polis Tavuş rayonunda da magistral yolu açır. İrəvanda Ermənistan Daxili İşlər Nazirliyinin binası yaxınlığında etirazçılar arasında saxlanılanlar da var.

***

13:31

Ermənistanda Azərbaycanla delimitasiya prosesinə etiraz edən şəxslər İrəvan-Sevan avtomagistralını bağlayıblar

"Operativ Media" xəbər verir ki, İrəvan-Meğri avtomobil yolunun Tiqranaşen (Kərki) hissəsi, eyni zamanda, İrəvan-Sevan avtomagistralının Martunidən keçən hissəsi bağlanıb.

Bundan başqa Şirak vilayətində vətəndaşlar İrəvan-Gümrü avtomobil yolunu bağlayıblar.

Baqrataşendə Ermənistan-Gürcüstan magistral yolunun bir hissəsi də bağlıdır.

Vətəndaşlar bununla Tavuşda, Qazaxla sərhəddə delimitasiya prosesinə etirazlarını nümayiş etdirirlər.