Avropa Parlamenti (AP) bu gün İranın həyata keçirdiyi hücumu pisləyən və əlavə sanksiyalar tətbiq edən qətnaməyə səs verib. Səsvermədə 357 deputat lehinə 20 üzv, 58 deputat isə bitərəf olmaqla qərar qəbul edilib.
"Operativ Media" xəbər verir ki, səsvermədən sonra qərarla bağlı AP açıqlama verib.
Açıqlamada Parlament İranın 13 və 14 aprel tarixlərində həyata keçirdiyi hücumları pisləyir və regional təhlükəsizliyi təhdid edən bu hücumlardan ciddi narahatlığını bildirir:
“İsrailin və onun vətəndaşlarının təhlükəsizliyinə tam dəstəyini təkrarlayan üzvlər, İranın hücumundan əvvəl və İranın Livandakı müvəkkilləri, Hizbullah və Yəməndəki Husi üsyançıları tərəfindən Qalon Təpələri və İsrail ərazisinə eyni vaxtda raket atışını pisləyiblər”.
Bundan əlavə, bəyanatda aprelin 1-də Suriyanın paytaxtı Dəməşqdəki İran konsulluğuna İsrailə aid edilən hücumdan kədərləndikləri ifadə ediib:
“Qərar bizə 2012-ci il aprelin 1-də Suriyanın Suriyanın paytaxtı Dəməşqdəki konsulluğuna hücum prinsipinin əhəmiyyətini xatırladır. Diplomatik və konsulluq binalarının toxunulmazlığına beynəlxalq hüquq çərçivəsində bütün hallarda hörmət edilməlidir”.
Bölgədə gərginliyin azaldılmasına çağıran bəyanatda deyilir:
“Parlament İran rejiminin və onun Yaxın Şərqdə qeyri-dövlət aktorlar şəbəkəsinin oynadığı sabitliyi pozan rolundan dərin narahatlığını ifadə edir. Avropa Parlamentinin deputatları Aİ-nin İrana qarşı mövcud sanksiyalar planını, o cümlədən bu ölkənin Rusiyaya və daha geniş Yaxın Şərqə İHA və raketlərin tədarükü və istehsalına qarşı sanksiyaları genişləndirmək qərarını alqışlayırlar. Bu sanksiyaların dərhal həyata keçirilməsini tələb edən üzvlər daha çox fərd və təşkilatların hədəfə alınmasını tələb edirlər”.
Qərar bəyanatında, İran İnqilabı Keşikçiləri Korpusunun Aİ-nin terror təşkilatları siyahısına daxil edilməsi çağırışları təkrarlanıb. İranın nüvə sazişi kimi bilinən Birgə Hərtərəfli Fəaliyyət Planı (JCPOA) çərçivəsində öhdəliklərə əməl edilməsi çağırışı edilib. Həmçinin Yəmən sahillərində İran tərəfindən ələ keçirilən gəminin heyətinin azad edilməsi və onların təhlükəsiz geri qayıtmasının təmin edilməsi tələb olunub.
