Şoyqu: "Rusiya başqa dövlətlərin işlərinə qarışmamaq siyasətinə sadiqdir"

NATO qoşunlarının Rusiya sərhədlərinə çox yaxınlaşması hərbi təhlükəsizliyə əlavə təhdidlər yaradır.

"Operativ Media" xəbər verir ki, bunu Rusiyanın müdafiə naziri Sergey Şoyqu Astanada keçirilən ŞƏT-ə üzv ölkələrin müdafiə nazirlərinin toplantısında çıxışı zamanı deyib.

“Alyansın qoşunları Rusiya sərhədlərinə çox yaxınlaşaraq hərbi təhlükəsizliyə əlavə təhdidlər yaradır. Vurğulamaq istəyirəm ki, onlar bizə gəlir. Bu, bir daha göstərir ki, biz qərblilərə etibar edə bilmərik. Rusiya Ukraynada dayandırılmasa, müttəfiq ölkələrinə hücum edəcəyimiz iddiası ilə qınanılır”, - o bildirib.

Şoyqu bəyan edib ki, Rusiya Federasiyası başqa dövlətlərin işlərinə qarışmamaq siyasətinə sadiqdir.

“Eyni zamanda, Şimali Atlantika Alyansının şərqə doğru genişlənməsi Sovet İttifaqının dağılmasından sonra da davam edir, baxmayaraq ki, 90-cı illərdə bunun baş verməyəcəyi vəd edilib", - nazir qeyd edib.