AZAL 2022-ci ildə Naxçıvana uçuşlar üçün Ermənistana 112 min avro ödəyib.

"Operativ Media"nın xəbərinə görə, bunu Ermənistanın Mülki Aviasiya Komitəsindən "Sputnik Ermənistan"a bildiriblər.

Qeyd olunub ki, Azərbaycanın milli aviadaşıyıcısı bu məbləği yanvarın 1-dən noyabrın 30-dək Ermənistanın hava məkanından keçən uçuşlar üçün ödəyib.

Ermənistanın Laçın dəhlizinin bağlanması şəraitində Azərbaycan təyyarələri üçün öz hava məkanını bağlamağı planlaşdırıb-planlaşdırmadığı soruşulduqda, bildirilib ki, bütün beynəlxalq uçuşlar əvvəlcədən nəzərdə tutulmuş planlar əsasında həyata keçirilir.