Qəzza Səhiyyə Nazirliyi: Anklavda ölənlərin sayı 35 800 nəfəri keçib

Ötən ilin oktyabrında İsrailin anklavda hərbi əməliyyatlara başlamasından bəri Qəzza zolağında 35,8 mindən çox insan həlak olub. 

"Operativ Media" xəbər verir ki, bu barədə anklavın Səhiyyə Nazirliyi məlumat verib.

Departamentin bəyanatında deyilir: "Ötən ilin oktyabrından indiyədək İsrail ordusunun Qəzzada keçirdiyi əməliyyatların qurbanlarının sayı 35 857 nəfərə çatıb. Eyni müddət ərzində 80 293 fələstinli yaralanıb".

Təkcə son 24 saat ərzində İsrailin hava hücumları və sektorun müxtəlif ərazilərində ərəb məhəllələrini atəşə tutması nəticəsində 57 nəfər həlak olub, 93 nəfər yaralanıb.