Dehlidə havanın temperaturu rekord həddə çatıb

Hindistanın paytaxtında havanın temperaturu 49,9 dərəcəyə çatıb.

"Operativ Media" xəbər verir ki, bu barədə Hindistan Meteorologiya İdarəsi bildirib.

"Munqeşpur və Narela kimi bəzi bölgələrdə 49,9 dərəcə Selsi temperaturu qeydə alınıb ki, bu da normadan 9 dərəcə yüksəkdir", - deyə məlumatda bildirilir.

Qeyd edilib ki, Dehlidə indiyə qədər qeydə alınan ən yüksək temperatur 2022-ci il mayın 15-16-da müşahidə edilən 49,2 dərəcə olub.