Səudiyyə Ərəbistanı İran dövlət televiziyasında çalışan 6 jurnalisti deportasiya edib

İranın Səudiyyə Ərəbistanındakı Həcc nümayəndəliyinin nəzdində çalışan 6 dövlət televiziyası jurnalisti Səudiyyə Ərəbistanı hakimiyyəti tərəfindən deportasiya edilibş

"Operativ Media"nın xəbərinə görə, bu barədə İran dövlət televiziyası açıqlayıb.

Bildirilib ki, İran dövlət televiziyasında çalışan 4 jurnalist ötən həftə Məscid-i Nəbəvidə çəkiliş apararkən saxlanılıb və bir neçə saatlıq sorğu-sualdan sonra Mədinədəki təcridxanaya aparılıb. İki gün sonra isə  Səudiyyə polisi iranlı zəvvarların qaldığı oteldə dini mərasimdə iştirak etmək istəyən iki dövlət televiziyasının müxbirini saxlayıb.

İranın Radio və Televiziya Qurumunun (İRİB) prezidenti Peyman Cebelli ilk olaraq Dubaya göndərilən və bu gün Tehrana çatan jurnalistlərin saxlanması və deportasiya edilməsinin səbəbləri barədə ona məlumat verilmədiyini deyib.

Cebelli məsələ ilə bağlı hüquqi təşəbbüslərə başlanılacağını bildirib.