Tokayev Təhlükəsizlik Şurasının iclasını keçirib

Qazaxıstan Prezidenti Kasım-Jomart Tokayev Təhlükəsizlik Şurasının iclasını keçirib.

"Operativ Media" xəbər verir ki, bu barədə "Sputnik Qazaxıstan" məlumat yayıb.

İclasda terrorizm və ekstremizmə qarşı mübarizə məsələləri yenidən gündəmə gətirilib. Milli Təhlükəsizlik Komitəsinin rəhbəri Ermek Sagimbayev və digər maraqlı dövlət qurumlarının rəhbərləri məruzə ilə çıxış ediblər.

Prezident ekstremist təzahürlərin ilkin şərtlərinin müəyyən edilməsi və qarşısının alınması, beynəlxalq terrorizmin yayılmasının qarşısının alınması, o cümlədən qanunvericilik və təşkilati bazanın təkmilləşdirilməsi, düzgün informasiya siyasətinin həyata keçirilməsi üçün kompleks yanaşmaların vacibliyini qeyd edib.