İranın müvəqqəti XİN rəhbəri ilə Ararat Mirzoyan arasında telefon danışığı olub

Ermənistan XİN rəhbəri İranın xarici işlər naziri vəzifəsini icra edən Əli Baqeri Kani ilə telefon danışığı aparıb. 

"Operativ Media" xəbər verir ki, bu barədə Ermənistan XİN məlumat yayıb. 

Ermənistan xarici işlər naziri bir daha həmkarına İran prezidenti, xarici işlər naziri və onları müşayiət edən şəxslərin vəfatı ilə bağlı başsağlığı verib və dəstəyini bildirib.

Həmsöhbətlər iki ölkə və xalqlar arasında qonşuluq əlaqələrinin dərin və möhkəm olduğunu və davamlı olacağını vurğulayıblar. Ararat Mirzoyan və Əli Baqeri Kani ikitərəfli və regional gündəliyə toxunaraq, indiyədək əldə edilmiş razılaşmaların həyata keçirilməsi və cari proqramların davamlılığının təmin edilməsində qarşılıqlı iradə olduğunu vurğulayıblar.

İran tərəfi öz növbəsində Ermənistanın Tavuş və Lori bölgələrində daşqınlar nəticəsində insan tələfatı ilə bağlı başsağlığı və dəstəyini bildirib.