İsrail: Qəzzada döyüşlər ən azı 7 ay davam edəcək

Qəzzada hərbi əməliyyatlar ən azı daha 7 ay davam edəcək.

"Operativ Media" xəbər verir ki, bunu İsrailin milli təhlükəsizlik müşaviri Tzaci Haneqbi bildirib.

Haneqbi qeyd edib ki, İsrail qüvvələri Qəzza ilə Misir arasındakı sərhəddə yerləşən bufer zona olan Filadelfiya dəhlizinin 75%-nə nəzarət edir.  

Haneqbi həmçinin İsrailin "Kan" ictimai telekanalına bildirib ki, ordu misirlilərlə birlikdə silah qaçaqmalçılığının qarşısının alınmasını təmin etməlidir. 

O əlavə edib ki, Qəzzada hərbi əməliyyatların 2024-cü ildə bitməyəcəyini gözləyir.