Misirdə 5 bal gücündə zəlzələ baş verib

Misirin Cənubi Sinay əyalətində 5 bal gücündə zəlzələ baş verib.

"Operativ Media" xəbər verir ki, ölkənin Milli Astronomiya və Geofizika Tədqiqat İnstitutu "Facebook" hesabından mövzu ilə bağlı açıqlama verib.

Açıqlamada səhər saatlarında baş verən zəlzələnin episentrinin Cənubi Sinay əyalətinin Et-Tur şəhəri olduğu bildirilib.

İlkin məlumata görə, zəlzələ 9,61 kilometr dərinlikdə baş verib.

Misir mətbuatında zəlzələnin paytaxt Qahirədə də hiss olunduğu qeyd edilib.