"Samsung Electronics" işçiləri ilk dəfə tətilə çıxıblar

Cənubi Koreyanın nəhəng “Samsung Electronics” şirkətinin işçiləri ilk dəfə tətilə çıxıblar.

"Operativ Media" xəbər verir ki, 28 mindən çox işçini (ümumi sayın 20%-ni) əhatə edən həmkarlar ittifaqı onların illik məzuniyyətlərindən iyunun 7-də bir günlük tətil üçün istifadə etməyi planlaşdırır.

Narazılığa səbəb maaş və mükafatlarla bağlı mübahisə olub. Rəhbərliklə həmkarlar ittifaqı arasında danışıqlar yanvar ayından davam edir, lakin hələlik razılıq əldə olunmayıb. Tətil baş verərsə, bu, şirkətin tarixində ilk dəfə olacaq.

Təhlilçilər tətilin şirkətin fəaliyyətinə böyük təsir göstərə biləcəyini, xüsusən də yarımkeçiricilər bazarının sürətlə inkişaf etdiyini bildirirlər. Yarımkeçiricilər məişət texnikasından tutmuş avtomobillərə qədər müasir texnologiyanın vacib hissəsidir. Bildirilib ki, tətil istehsal zəncirlərini poza və çip çatışmazlığına səbəb ola bilər.