27 Dekabr 2022, 12:04
Çin xaricdən gələnlər üçün COVİD-19 məhdudiyyətlərini yumşaldıb

Çin, xaricdən gələn sərnişinlərin artıq səfirlik və konsulluqlardan sağlamlıq kodu almağa ehtiyac olmadığını açıqlayıb.
"Operativ Media" xəbər verir ki, bu barədə ölkənin Xarici İşlər Nazirliyi məlumat yayıb.
Məlumata görə, sərnişinlərin səyahət etməzdən əvvəl artıq Çin səfirlikləri və konsulluqlarından sağlamlıq kodu almalarına ehtiyac olmadığı bildirilib.
Açıqlamada, sərnişinlərə səyahətdən 48 saat əvvəl COVİD-19 testi vermələri və test nəticəsi müsbət olarsa, mənfi olana qədər səyahətlərini ləğv etmələri tövsiyə edilib.