Azərbaycan Mərkəzi Bankının sədri Taleh Kazımov İsveçrə Milli Bankının (İMB) sədri Tomas Cordan ilə ikitərəfli görüş keçirib.

"Operativ Media" xəbər verir ki, bu barədə AMB sədri "X"də bildirib.

"Görüş zamanı hər iki ölkənin mərkəzi bankları arasında əməkdaşlığın cari vəziyyəti və perspektivləri ilə bağlı müzakirələr apardıq. Tomas Cordana qurumlarımız arasında əməkdaşlığın daha da möhkəmləndirilməsinə və Seçki Qrupu ölkələri arasında sıx tərəfdaşlıq əlaqələrinin qurulmasının təşviqinə verdiyi mühüm töhfəyə görə təşəkkürümüzü bildirdik. İMB-də sədrlik fəaliyyətini başa çatdıran cənab Cordana yeni fəaliyyətində uğurlar arzu etdik", - sədr bildirib.

Qeyd edək ki, görüş Tacikistanda baş tutub.