Qazaxıstan qaz hasilatını 2,3% artırmaq niyyətindədir

Qazaxıstanın Energetika Nazirliyi 2024-cü ildə respublikada qaz hasilatının 2,3% artaraq 60,5 milyard kubmetrə çatacağını planlaşdırır.

"Operativ Media" xəbər verir ki, bu barədə respublikanın energetika naziri Əlmasadam Satqəliyev hökumətin iclasında bildirib.

“Son illər ərzində ölkədə qaz hasilatı durmadan artır. Hasilat 2024-cü il üçün planın 50%-ni təşkil edir”, - Satqəliyev bildirib.

Onun sözlərinə görə, qaz hasilatının əsas artımı iri yataqlar - Qaraçaqanak, Tengiz və Kaşaqan yataqları hesabına nəzərdə tutulub.