DİN: Goranboyda qəza törədərək hadisə yerindən qaçan şəxs saxlanılıb

Goranboyda qəza törədərək hadisə yerindən yayınan T. Şamilov saxlanılaraq istintaqa təhvil verilib.

DİN mətbuat xidmətindən "Operativ Media"ya verilən məlumata görə, Tarzan Şamilov maşını ilə həmkəndlisi Əhməd Ərəbovun idarə etdiyi minik maşını arxadan vurub.

Qəzadan sonra Əhməd Ərəbov avtomobilini saxlayaraq yerə düşüb. Hadisəni törədən Tarzan Şamilov yerdə olan Əhməd Ərəbovu maşınla vuraraq üstündən keçib.

Xəsarət alan şəxsin həyatını xilas etmək mümkün olmayıb.