Nigeriyanın Kebbi əyalətində 100-dən çox sərnişini olan qayığın batması nəticəsində 10 nəfərin öldüyü bildirilib.

Kebbi Əyalətinin Yerli Rəhbərliyi sədri Yahaya Bello verdiyi açıqlamada fermerləri daşıyan qayığın naməlum səbəbdən batdığını bildirib.

Qayıqda 100-dən çox sərnişinin olduğunu bildirən Bello qəzada 10 nəfərin həyatını itirdiyi,10 nəfərin isə itkin düşdüyü barədə məlumat paylaşıb.

Bello, qayıqda olan 80 sərnişinin xilas edildiyini və ərazidə axtarış işlərinin davam etdiyini bildirib.