Avropa İttifaqı Azərbaycanla qaz idxalının artırılması ilə bağlı danışıqlara başlayıb.

"Operativ Media" xəbər verir ki, bu barədə “Deutsche Welle” və “Bloomberg” nəşri yazıb.

Bildirilir ki, Azərbaycan qazı Ukrayna boru kəmərləri ilə Avropaya çatdırıla bilər. Ukrayna prezidenti Volodimir Zelenski bu ayın əvvəlində Bloomberg-ə müsahibəsində təsdiqləyib ki, Rusiya ilə müqavilə başa çatdıqdan sonra qazın Avropaya tranziti ilə bağlı Avropa İttifaqı və Azərbaycanla danışıqlar aparır.

Qeyd edək ki, Qazprom və Ukrayna arasında 5 illik müqavilə 2019-cu ildə bağlanıb. Müqavilə bu ilin sonunda başa çatır.