"Sülh Fondu adlanan qurumun hansısa dövlətə silahlanması üçün pul ayırması gülüncdür" - Politoloq

"22 iyul tarixində Avropa İttifaqı Şurası tərəfindən qəbul edilmiş qərara əsasən, “Avropa Sülh Fondu” çərçivəsində Ermənistana 10 milyon avro məbləğində hərbi yardım edilməsi nəzərdə tutulub. 

Əvvəla, Sülh Fondu adlanan qurumun hansısa dövlətə silahlanması üçün pul ayırması gülüncdür. Amma Aİ bizi bu dəfə də təəccübləndirmir".

Bu sözləri "Operativ Media"ya politoloq Fikrət Əliyev bildirib.

O, bildirib ki, real sülh danışıqları getdiyi ərəfədə Aİ-nin, həmçinin Fransanın Ermənistana açıq hərbi yardımları onların özünü və Ermənistanı növbəti dəfə sarsıldacaq:

"Məgər, Aİ və Fransa 44 günlük müharibədə Ermənistana dəstək olmurdular? Ötən ilin senytabrında Ermənistana açıq dəstək nümayiş etdirmirdilər? Az qala, Makron özü dəstək məqsədilə Ermənistana səfər edəcəkdi... nəticə nə oldu? Bunu bütün dünya gördü. Heç kim bizi haq yolumuzdan döndərə bilmədi. Heç bir qüvvə bizi saxlaya bilmədi. 

Hazırda Azərbaycanla Sülh danışıqlarından yayınan Ermənistandır. Vaxt uzandıqca isə Ermənistan müxtəlif vasitələrlə silahlanmasını təmin edir. Bu il Hindistdandan ən çox silah alan ölkələrdən biri də məhz Ermənistandır. 2024-2025-ci illərdə Ermənistanın Hindistandan alacağı silahların ümumi dəyəri 600 milyon dollar təşkil edəcək.

Sülh danışıqları aparan bir ölkənin bu qədər silahlanması, hərbi xərclərini dəfələrlə artırması suallar doğurur və Ermənistanın səmimiliyini sual altına qoyur. 

Eyni zamanda, Azərbaycanla Ermənistanı sülhə çağıran Aİ-nin, Fransanın birtərəfli addımları, dayanmadan Ermənistana silahlandırmaları onların necə riyakar olduğunu bir daha sübut edir. 

Ermənistan nəhayət anlamalıdır ki, Qərb onun suverenliyi ilə qumar oynayır. Bu təhlükəli oyunda isə məğlublar artıq məlumdur!".