Argentina futbol komandasının müdafiəçisi Nikolas Otamendi Paris Olimpiadasının futbol turnirinin ilk turunda baş verən qalmaqala münasibət bildirib.

"Operativ Media" xəbər verir ki, Argentinanın Mərakeşə 1:2 hesabı ilə uduzduğu matçda, argentinalıların əlavə olunmuş vaxtın 16-cı dəqiqəsində vurduğu qoldan sonra tribunalarda iğtişaşlar başlayıb, mərakeşli azarkeşlər meydançaya soxulub.

İki saat sonra yenidən başlayan matçda hakim VAR-ın köməyi ilə argentinalıların ikinci qolunun təkrarına baxıb və onu ləğv edib.

“Bu, tarixi biabırçılıqdır. Bu, əvvəllər heç vaxt olmamışdı. Mərakeş yığması meydana qayıtmaq istəməyib. Biz də bunun əleyhinə idik. 1 saat 40 dəqiqə gözlədik. Heç kim bizə heç nə demədi” deyə Otamendi bildirib.

Sufian Rəhimi Mərakeş millisinin heyətində dubla imza atıb. Argentinanın yeganə qolunu Culiano Simeone vurub.