Çempionlar Liqasının 3-cü təsnifat mərhələsində “Qarabağ”la qarşılaşacaq “Ludoqorets”in Bakı proqramı bəlli olub.

"Operativ Media" xəbər verir ki, Razqrad komandası bu gün çarter reysi ilə səfərə yollanacaq.

“Ludoqorets”i Bakıya gətirəcək təyyarə Bakı vaxtı ilə 10:30-da yola düşəcək. Komanda saat 20:00-da oyunöncəsi son məşqinə çıxacaq. Bundan yarım saat əvvəl baş məşqçi Georgi Dermendjiyevin mətbuat konfransı təşkil olunacaq. Sabahkı qarşılaşmadan dərhal sonra isə bolqarlar vətənlərinə qayıdacaqlar.

Qeyd edək ki, sabah Tofiq Bəhramov adına Respublika Stadionunda keçiriləcək “Qarabağ” – “Ludoqorets” oyunu saat 20:00-da başlayacaq